Ruslan Quliyev

Azərbaycan Dövlət İqtisad Universitetinin kommersiya fakültəsini, paralel olaraq isə  natiqlik sənəti və işgüzar menecer ünsiyyəti məktəbini bitirib. 2016-cı ildən Azərbaycan Turizm və Menecment Universitetinin doktorantı olaraq fəaliyyət göstərir. Almaniya Federativ Respublikası İqtisadi Əlaqələr və Energetika Nazirliyi və Almaniya Beynəlxalq Əməkdaşlıq Cəmiyyətinin Azərbaycan Respublikası İqtisadiyyat Nazirliyi ilə birgə layihəsi üzrə Berlin şəhərində “Menecer Təlim Proqramı”nın iştirakçısı olmuşdur. 

2006-cı ildən etibarən “Millennium Turizm, Konqres DMC Lufthansa City Center” şirkətinin təsisçisi və Baş icraçı direktoru, “Caspian İnvest Commerce” və KavMin Vod Kurortları Agentliyi” turizm şirkətlərində isə  reklam meneceri vəzifəsindən baş direktor vəzifəsinə yüksəlmişdir. 

 “Dünya Turizm Səyahətçiləri və Peşəkarları Assosiyası”nın qurucusu və prezidenti, Azərbaycan Sağlamlıq və Termal Turizmə Dəstək Assosiyasının sədri, Azərbaycan Milli QHT Forumunun Turizmin İnkişafı Mərkəzinin rəhbəri və həmin Forumun Monitorinq Komissiyasının üzvü, AR Sahibkarlar Təşkilatları Milli Konfederasiyasının Turizm üzrə Komissiyanın sədri, İATA, JATA, ASTA, ABT beynəlxalq turizm təşkilatlarının həqiqi üzvü, AR İxtisaslaşmış turizm sənayesinin inkişafına dair Strateji Yol Xəritəsi və Turizm Qanunu layihəsinin hazırlanması üzrə ekspertlər qrupunun üzvü, Azərbaycan Respublikası Prezidenti tərəfindən təsdiqlənmiş AR Turizm Şurasının “Sağlamlıq Turizmi” işçi qrupunun üzvü, AR Mədəniyyət və Turizm Nazirliyi və Azərbaycan Turizm və Menecment Universiteti nəzdində Bakı Turizm Peşə Məktəbinin Dövlət Attestasiya Komissiyasının sədri, AR Ekologiya və Təbii Sərvətlər Nazirliyi yanında AR Ekoloji Turizm Şurasının üzvü və AR İqtisadiyyat Nazirliyi yanında AR-də qeyri-rəsmi məşğulluğun qarşısının alınması məsələləri üzrə işçi qrupun üzvü, Global Sağlamlıq Turizm Şurasında Azərbaycan təmsilçisi, Global Sağlamlıq Turizm Şurasının prezidenti, Beynəlxalq Ekoturizm Cəmiyyətinin Azərbaycan üzrə rəhbəri seçilmişdir.