Xəbərlər

Kənd təsərrüfatı ilə məşğul olan sahibkarlar üçün “Sosial media ilə satış” mövzusunda təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Martın 16-da Yevlax KOBİM tərəfindən kənd təsərrüfatı sahəsində fəaliyyət göstərən sahibkarlar üçün “Sosial media ilə satış” mövzusunda növbəti maarifləndirici təlim keçirilib. Təlimdə 6 nəfər sahibkar və biznesə başlamaq istəyən şəxs iştirak edib. Yevlax KOBİM-in peşəkar eksperti tərəfindən təlimdə KOB-lara sosial media anlayışı və satış alətləri, sosial media satış strategiyası barədə danışılıb. Təlim zamanı sosial media ilə satış texnikaları, satışın formaları və növlərinə dair ətraflı məlumat verilib. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Tel: (+994) 55 922 56 17 Email: yevlax@kobim.az. Qeyd edək ki, Yevlax KOBİM tərəfindən göstərilən bütün xidmətlər ödənişsizdir.