Xəbərlər

Yevlax KOBİM tərəfindən “Öz biznesinə başla” mövzusunda təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Oktyabrın 29-da Yevlax KOBİM tərəfindən Zərdab rayonunda sahibkarlar və biznesə yeni başlamaq istəyənlər üçün “Öz biznesinə başla” mövzularında maarifləndirici təlim keçirilib. Təlimdə 5 nəfər sahibkar və biznesə başlamaq istəyən şəxs iştirak edib. Yevlax KOBİM-in peşəkar eksperti tərəfindən təlimdə KOB-lara real ideyalar üzərindən fikir mübadiləsi aparılıb, biznes fəaliyyəti üçün atılmalı olan ilkin addımlar, hazırki bazar şəraiti və mövcud imkanlar, sahibkar olmaq üçün haradan başlamaq olar, biznes anlayışı və ümumi strukturu, biznesdə uğurun əldə edilməsi, biznes psixologiyası barədə danışılıb. Təlim zamanı biznes ideyaların işlənməsi, gəlir və xərclərin qeydiyyatı, hüquqi öhdəliklər barədə ətraflı məlumat verilib. Təlimin sonunda mövzular ətrafında müzakirələr aparılıb və iştirakçıların sualları cavablandırılıb. Qeyd edək ki, Yevlax KOBİM tərəfindən göstərilən bütün xidmətlər ödənişsizdir.