Xəbərlər

Yevlax KOB İnkişaf Mərkəzi (KOBİM) tərəfindən "Öz biznesinə başla" mövzusunda təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 19-da Yevlax KOBİM tərəfindən sahibkarlar və biznesə yeni başlamaq istəyənlər üçün “Öz biznesinə başla” mövzularında maarifləndirici təlim keçirilib. 5 nəfərin iştirak etdiyi təlimdə Yevlax KOBİM-in peşəkar eksperti tərəfindən GZİT (SWOT) analizi, biznesin inkişafında marketinq, aylıq satış, istehsal və tədarük, gəlir və xərc planlarının əhəmiyyəti, biznesin hüquqi təşkilatlanması barədə ətraflı məlumat verilib. Təlimin sonunda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Yevlax KOBİM tərəfindən göstərilən bütün xidmətlər ödənişsizdir.