Xəbərlər

Yevlax KOBİM tərəfindən “Biznes planın yazılması” mövzusunda təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 19-da Yevlax KOB İnkişaf Mərkəzi (KOBİM) tərəfindən “Biznes planın yazılması” mövzusunda növbəti maarifləndirici təlim keçirilib. 5 nəfər KOB subyekti və biznesə yeni başlamaq istəyən şəxsin iştirak etdiyi təlimdə Yevlax KOBİM-in eksperti tərəfindən biznes plan nədir, biznes planın hazırlanma mərhələlərı, bazar analizi, strategiya, biznes planın icra edilməsi, güclü və zəif cəhətlərin dəyərləndirilməsi barədə ətraflı məlumat verilib, eyni zamanda iştirakçılara ideyanın formalaşdırılması, biznes planın idarəedilməsindən danışılıb. Təlimdə mövzu ətrafında müzakirələr aparılıb və iştirakçıları maraqlandıran suallar cavablandırılıb. Qeyd edək ki, Yevlax KOBİM tərəfindən göstərilən bütün xidmətlər ödənişsizdir.