Xəbərlər

Yevlax KOBİM tərəfindən “Digital marketing və sosial medianın satış üçün əhəmiyyəti” mövzusunda maarifləndirici təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Dekabrın 3-də Yevlax KOBİM tərəfindən sahibkarlar və biznesə yeni başlamaq istəyənlər üçün “ Digital marketing və sosial medianın satış üçün əhəmiyyəti ” mövzularında növbəti maarifləndirici təlim keçirilib. Təlimdə 6 nəfər sahibkar və biznesə yeni başlamaq istəyən şəxs iştirak edib. Yevlax KOBİM-in peşəkar eksperti tərəfindən KOB-lara digital marketing, sosial media, satış alətləri, axtarış motoru optimallaşdırması (SEO) və marketinqi (SEM), məzmun və təsir etmə (Influencer marketing) barədə ətraflı məlumat verilib. Eyni zamanda təlimdə sosial media satış strategiyası, satışın formaları və növləri, rəqəmsal marketinq alətləri ilə potensial müştərilərin diqqətini şirkətə, markaya, xidmətə və ya məhsula cəlb etməyin yolları barədə danışılıb. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel: (+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.