Xəbərlər

Yevlax KOBİM tərəfindən işğal olunmuş ərazilərdə fəaliyyət göstərən sahibkara məsləhət xidməti göstərilib

Yevlax KOBİM tərəfindən işğal olunmuş ərazilərdə fəaliyyət göstərən sahibkara məsləhət xidməti göstərilib Kiçik və Orta biznesin İnkişafı Agentliyinin (KOBİA) Yevlax KOB İnkişaf Mərkəzi (KOBİM) tərəfindən mikro, kiçik və orta sahibkarlıq subyektləri və sahibkar olmaq istəyənlər üçün məsləhət xidmətlərinin təşkili davam etdirilir. Yevlax KOBİM tərəfindən işğaldan azad olunmuş ərazilərdə (Cəbrayıl rayonu) sahibkarlıq fəaliyyətinin qurulması və inkişaf etdirilməsi üçün “Biznes planın yazılması” ilə bağlı dəstək göstərilib. Yevlax KOBİM-ə müraciət edən Cəbrayıl rayon sakini Qəlbinur Zamanlı heyvandarlıq təsərrüfatının genişləndirmək məqsədilə məsləhət xidmətinə ehtiyacı olduğunu bildirib. Müraciətə əsasən, KOB subyektinə heyvandarlıq təsərrüfatı ilə bağlı biznes planın yazılmasına dəstək göstərilib. Eyni zamanda sahibkara dövlət tərəfindən sahibkarlara göstərilən dəstək xidmətləri barədə ətraflı məlumat verilib. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOBİM-ə müraciət edə bilərlər. Tel: (+994) 55 922 56 17 Email: yevlax@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.