Xəbərlər

Yevlax KOBİM tərəfindən işgaldan azad olmuş ərazilərdə məsləhət xidməti göstərilib

Kiçik və Orta biznesin İnkişafı Agentliyinin (KOBİA) Yevlax KOB İnkişaf Mərkəzi (KOBİM) tərəfindən mikro, kiçik və orta sahibkarlıq subyektləri və sahibkar olmaq istəyənlər üçün məsləhət xidmətlərinin təşkili davam etdirilir. Yevlax KOBİM tərəfindən işğaldan azad olunmuş ərazilərdə (Cəbrayıl rayonu) sahibkarlıq fəaliyyətinin qurulması üçün “Biznes planın yazılması” ilə bağlı dəstək göstərilib. Yevlax KOBİM-ə müraciət edən Cəbrayıl rayon sakinləri Qürbət Həziyev, Mübariz Qurbanov və İsgəndər Xəlilova əkinçilik və heyvandarlıq fəaliyyətini genişləndirmək məqsədilə məsləhət xidmətinə ehtiyacı olduğunu bildiriblər. Müraciətə əsasən, KOB subyektlərinə heyvandarlıq və əkinçilik ilə bağlı biznes planın yazılmasına dəstək göstərilib. Eyni zamanda sahibkarlara dövlət tərəfindən sahibkarlara göstərilən dövət dəstəkləri barədə ətraflı məlumat verilib. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel: (+994) 55 922 56 17 Email: yevlax@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.