Xəbərlər

Yevlax KOBİM tərəfindən “Kənd təsərrüfatı üçün marketinq” mövzusunda maarifləndirici təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Yanvarın 7-də Yevlax KOBİM tərəfindən sahibkarlar və biznesə yeni başlamaq istəyənlər üçün “Kənd təsərrüfatı üçün marketinq” mövzularında maarifləndirici təlim keçirilib. 7 nəfər sahibkar və biznesə yeni başlamaq istəyən şəxsin iştirak etdiyi təlimdə Yevlax KOBİM-in peşəkar eksperti tərəfindən marketinq anlayışı və onun biznes üçün faydaları, əlavə dəyər yaratmaqla birbaşa və dolayı rəqabət ortamında satış, orqanik kənd təsərrüfatı məhsullarının marketinqi, marketinq sahəsində ən son yeniliklər barədə ətraflı məlumat verilib. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOBİM-ə müraciət edə bilərlər. Tel: (+994) 55 922 56 17 Email: yevlax@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.