Xəbərlər

Yevlax KOBİM tərəfindən KOB subyektləri üçün “Biznesin hüquqi formaları” mövzusunda təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Yanvarın 24-də Yevlax KOBİM tərəfindən sahibkarlar və biznesə yeni başlamaq istəyənlər üçün “Biznesin hüquqi formaları” mövzularında növbəti maarifləndirici təlim keçirilib. Təlimlərdə 5 nəfər sahibkar və biznesə yeni başlamaq istəyən şəxs iştirak edib. Yevlax KOBİM-in peşəkar eksperti tərəfindən təlimdə biznesin təşkilati-hüquqi formaları, hüquqi şəxs yaratmadan vətəndaşların sahibkarlıq fəaliyyəti, kommersiya təşkilatları, təsərrüfat cəmiyyət, istehsal korporativi, unitar müəssisə, vergi qanunvericiliyi, mühasibatlıq barədə ətraflı məlumat verilib. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel: (+994) 55 922 56 17 Email: yevlax@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.