Xəbərlər

Yevlax KOBİM tərəfindən KOB subyektləri üçün “KOB-lar üçün vergi” mövzusunda növbəti maarifləndirici təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Martın 10-da Yevlax KOBİM tərəfindən kənd təsərrüfatı səhəsində fəaliyyət göstərən sahibkarlar və biznesə yeni başlamaq istəyənlər üçün “KOB-lar üçün vergi” mövzularında növbəti maarifləndirici təlim keçirilib. Təlimdə 11 nəfər sahibkar və biznesə yeni başlamaq istəyən şəxs iştirak edib. Yevlax KOBİM-in peşəkar eksperti tərəfindən KOB-lara sahibkarlıq subyektinin ilkin qeydiyyatı, vergi növləri haqqında, sadələşmiş və gəlir vergisinin hesablanma üsulu, rüblük bəyannamələrin verilməsi qaydası, həmçinin vergi qanunvericiliyinin pozulmasına görə məsuliyyət və şikayətin verilməsi qaydaları haqqında ətraflı məlumat verilib. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOBİM-ə müraciət edə bilərlər. Tel: (+994) 55 922 56 17 Email: yevlax@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.