Xəbərlər

Yevlax KOBİM tərəfindən KOB subyektləri üçün “Məhsul satışında sosial media reklamlarından istifadə” mövzusunda növbəti təlim keçirilib

Yevlax KOB İnkişaf Mərkəzi (KOBİM) tərəfindən sahibkarlar və biznesə başlamaq istəyənlər üçün maarifləndirici təlimlərin təşkili davam edir. Fevralın 24-də Yevlax KOBİM tərəfindən sahibkarlar yeni biznesə başlamaq istəyənlər üçün “Məhsul satışında sosial media reklamlarından istifadə” mövzusunda maarifləndirici təlim keçirilib. Təlimdə 4 nəfər sahibkar iştirak edib. Yevlax KOBİM-in peşəkar eksperti tərəfindən sosial media reklamlarının satış üçün əhəmiyyəti və qazandırdığı üstünlüklər barədə danışıb, müxtəlif sosial şəbəkələrdə reklam kampaniyalarının fərqləri, reklam formatları və alətləri, reklamların effektivliyinin ölçülməsi və optimallaşdırılması barədə ətraflı məlumat verib. Təlimin sonunda mövzular ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOBİM-ə müraciət edə bilərlər. Tel: (+994) 55 922 56 17 Email: yevlax@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.