Xəbərlər

Yevlax KOBİM tərəfindən kob subyektləri üçün “Öz biznesinə başla” mövzusunda növbəti təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Dekabrın 5-də Yevlax KOBİM tərəfindən “Gənclərin İnkişaf və Karyera Mərkəzi” Aran Regional Nümayəndəliyinin üzvlərinə, sahibkarlar və biznesə yeni başlamaq istəyənlər üçün “Öz biznesinə başla” mövzularında növbəti maarifləndirici təlim keçirilib. Təlimdə 6 nəfər sahibkar və biznesə yeni başlamaq istəyən şəxs iştirak edib. Yevlax KOBİM-in peşəkar eksperti tərəfindən təlimdə iştirakçılarla real ideyalar üzərindən fikir mübadiləsi aparılıb, biznes fəaliyyəti üçün atılmalı olan ilkin addımlar, vergi qanunvericiliyi, hazırki bazar şəraiti və mövcud imkanlar, sahibkar olmaq üçün haradan başlamaq olar, biznes anlayışı və ümumi strukturu, biznesdə uğurun əldə edilməsi, biznes psixologiyası barədə danışılıb. Təlim zamanı biznes ideyaların işlənməsi, gəlir və xərclərin qeydiyyatı, hüquqi öhdəliklər barədə ətraflı məlumat verilib. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel: (+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.