Xəbərlər

Yevlax KOBİM tərəfindən KOB subyektləri üçün “Sahibkarlığa dövlət dəstəyi” mövzusunda maarifləndirici təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Fevralın 10-da Yevlax KOBİM tərəfindən sahibkarlar və biznesə yeni başlamaq istəyənlər üçün “Sahibkarlığa dövlət dəstəyi” mövzularında növbəti maarifləndirici təlim keçirilib. Təlimdə 4 nəfər sahibkar və biznesə yeni başlamaq istəyən şəxs iştirak edib. Yevlax KOBİM-in peşəkar eksperti tərəfindən KOB-lara kiçik sahibkarlara dövlət dəstəyi, kiçik sahibkarlığa kömək proqramı, kiçik sahibkarlıq birlikləri, investisiya təşviq sənədi, iqtisadi artıma və sahibkarlığa əsas dəstək alətləri barədə ətraflı məlumat verilib. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOBİM-ə müraciət edə bilərlər. Tel: (+994) 55 922 56 17 Email: yevlax@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.