Xəbərlər

Yevlax KOBİM tərəfindən KOB subyektləri üçün “Vergi ödəmələrinin planlaşdırılması” mövzusunda maarifləndirici təlim keçirilib

Yevlax KOB İnkişaf Mərkəzi (KOBİM) tərəfindən pərakəndə ticarətlə məşğul olan sahibkarlar və biznesə başlamaq istəyənlər üçün maarifləndirici təlimlərin təşkili davam edir. Martın 4-də Yevlax KOBİM tərəfindən pərakəndə ticarətlə məğul olan sahibkarlar üçün “Vergi ödəmələrinin planlaşdırılması” mövzusunda növbəti maarifləndirici təlim keçirilib. Təlimdə 6 nəfər sahibkar və biznesə başlamaq istəyən şəxs iştirak edib. Yevlax KOBİM-in peşəkar eksperti tərəfindən vergi öhdəliklərinin təhlili, gəlir və xərclərin optimallaşdırılması, qanunvericiliyə uyğun vergi güzəştlərinin tətbiqi barədə məlumat verilib, eyni zamanda vergi ödəmə cədvəlinin hazırlanması, risklərin idarə edilməsi barədə ətraflı məlumat verilib. Təlimin sonunda mövzular ətrafında müzakirələr aparılıb və iştirakçıların sualları cavablandırılıb Qeyd edək ki, Yevlax KOBİM tərəfindən göstərilən bütün xidmətlər ödənişsizdir.