Xəbərlər

Yevlax KOBİM tərəfindən “Layihələrin idarəedilməsi” mövzusunda növbəti təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri üçün maarifləndirici təlimlərin təşkili davam edir. Dekabrın 6-da Yevlax KOBİM tərəfindən gənc sahibkarlar və biznesə yeni başlamaq istəyənlər üçün “Layihələrin idarəedilməsi” mövzusunda növbəti maarifləndirici təlim keçirilib. Təlimlərdə 6 nəfər sahibkar və biznesə yeni başlamaq istəyən gənc iştirak edib. Yevlax KOBİM-in peşəkar eksperti tərəfindən təlimdə layihə nədir, layihənin idarəedilməsinin 5 əsas göstəricisi, risklərin idarəedilməsi və layihələrin idarəedilməsində müasir tələblər barədə ətraflı məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOBİM-ə müraciət edə bilərlər. Tel:(+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.