Xəbərlər

Yevlax KOBİM tərəfindən "Layihənin İdarəetmə Dövrü" mövzusunda maarifləndirici təlim keçirilib.

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 24-də Yevlax KOBİM tərəfindən sahibkarlar və biznesə yeni başlamaq istəyənlər üçün "Layihənin İdarəetmə Dövrü" mövzusunda maarifləndirici təlim keçirilib. Təlimdə 6 nəfər gənc sahibkar və biznesə başlamaq istəyən şəxs iştirak edib. Yevlax KOBİM-in peşəkar eksperti layihənin idarəetmə dövrünün mərhələləri barədə danışıb, konsepsiya və məqsədin müəyyən edilməsi, fəaliyyət planının hazırlanması, risklərin qiymətləndirilməsi və ehtiyat planının hazırlanması, komandanın qurulması və layihənin həyata keçirilməsi, iş prosesinin monitorinqi və nəzarət tədbirləri, nəticələrin təhlili və hesabatların hazırlanması barədə ətraflı məlumat verib. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel: (+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir