Xəbərlər

Yevlax KOBİM tərəfindən “Marketinqdə brendləşmə” mövzusunda maarifləndirici təlim keçirilib.

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Fevralın 5-də Yevlax KOBİM tərəfindən sahibkarlar və biznesə yeni başlamaq istəyənlər üçün “Marketinqdə brendləşmə” mövzularında maarifləndirici təlim keçirilib. 5 nəfər sahibkar və biznesə yeni başlamaq istəyən şəxsin iştirak etdiyi təlimdə Yevlax KOBİM-in peşəkar eksperti tərəfindən brend anlayışı, onun funksiyası və əhəmiyyəti barədə danışıb, uğurlu brendin tərkib hissələri, onun bazarda mövqeləndirilməsi, hədəf auditoriyası və rəqiblərin təhlil edilməsi və brend strategiyasının qurulması barədə ətraflı məlumat verilib. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOBİM-ə müraciət edə bilərlər. Tel: (+994) 55 922 56 17 Email: yevlax@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.