Xəbərlər

Yevlax KOBİM tərəfindən “Marketinqin əsasları və 7P” mövzusunda maarifləndirici təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 26-da Yevlax KOBİM tərəfindən sahibkarlar və biznesə yeni başlamaq istəyənlər üçün “Marketinqin Əsasları və 7P” mövzularında maarifləndirici təlim keçirilib. Təlimdə 6 nəfər sahibkar və biznesə yeni başlamaq istəyən şəxs iştirak edib. Təlimdə Yevlax KOBİM-in peşəkar eksperti tərəfindən marketinq anlayışı və onun biznes üçün faydaları, bazar araşdırmasının önəmi, marketinqdə 7P anlayışları barədə ətraflı məlumat verilib. Təlimin sonunda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel:(+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.