Xəbərlər

Yevlax KOBİM tərəfindən məsləhət xidmətlərinin göstərilməsi davam etdirilir

Kiçik və Orta biznesin İnkişafı Agentliyinin (KOBİA) Yevlax KOB İnkişaf Mərkəzi (KOBİM) tərəfindən mikro, kiçik və orta sahibkarlıq subyektləri və sahibkar olmaq istəyənlər üçün məsləhət xidmətlərinin təşkili davam etdirilir. Yevlax KOBİM tərəfindən sahibkara “Biznes planın yazılması” üçün dəstək göstərilib. Belə ki, Yevlax KOBİM-ə müraciət edən rayon sakini Könül Ağayeva pərakəndə satış mağazası açılması ilə bağlı məsləhət xidmətinə ehtiyacı olduğu bildirib. KOB subyektinə biznes plan hazırlanıb təhvil verilib. Eyni zamanda dövlət tərəfindən sahibkarlara göstərilən dəstək xidmətləri barədə məlumat verilib. Qeyd edək ki, Yevlax KOB İnkişafı Mərkəzi tərəfindən göstərilən bütün xidmətlər ödənişsizdir.