Xəbərlər

Yevlax KOBİM tərəfindən qadın sahibkarlar üçün “Vergi uçotu” mövzusunda maarifləndirici təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Fevralın 14-də Yevlax KOBİM tərəfindən xanım sahibkarlar və biznesə yeni başlamaq istəyənlər üçün “Vergi uçotu” mövzularında növbəti maarifləndirici təlim keçirilib. Təlimdə 4 nəfər sahibkar və biznesə yeni başlamaq istəyən xanım iştirak edib. Yevlax KOBİM-in peşəkar eksperti tərəfindən KOB-lara müəssisələr və fərdi sahibkarlar üçün vergi qanunvericiliyinin təkmilləşdirilməsi, uçotun düzgün aparılması, vergi öhdəliklərinin yerinə yetirilməsi və vergi risklərinin azaldılması, fiziki şəxslərin gəlir vergisi, hüquqi şəxslərin mənfəət vergisi barədə danışılıb. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOBİM-ə müraciət edə bilərlər. Tel: (+994) 55 922 56 17 Email: yevlax@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.