Xəbərlər

Yevlax KOBİM tərəfindən "Biznes planın yazılması" mövzusunda maarifləndirici təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Dekabrın 4-də Yevlax KOBİM tərəfindən “Gənclərin İnkişaf və Karyera Mərkəzi” Aran Regional Nümayəndəliyinin üzvləri, sahibkarlar və biznesə yeni başlamaq istəyənlər üçün "Biznes planın yazılması" mövzusunda növbəti maarifləndirici təlim keçirilib. Təlimdə 5 nəfər sahibkar iştirak edib. Yevlax KOBİM-in peşəkar eksperti uğurlu biznes planların yazılması və diqqət yetirilməli olan əsas məqamlar barədə danışıb, biznes planın strukturu və ona daxil informasiyalar, düzgün şəkildə hazırlanması və təqdim edilməsi barədə ətraflı məlumat verib. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel: (+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.