Xəbərlər

Yevlax KOBİM tərəfindən "Vergi uçotu" mövzusunda təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Dekabrın 1-də Yevlax KOBİM tərəfindən sahibkarlar və biznesə yeni başlamaq istəyənlər üçün “Vergi uçotu” mövzularında növbəti maarifləndirici təlim keçirilib. Təlimdə 4 nəfər sahibkar və biznesə yeni başlamaq istəyən şəxs iştirak edib. Yevlax KOBİM-in peşəkar eksperti tərəfindən KOB-lara vergi uçotu və vergi yoxlamaları, müəssisələrin qarşılaşdığı vergi problemləri və onların həlli yolları ilə bağlı məlumat verilib. Eyni zamanda müəssisələr və fərdi sahibkarlar üçün vergi qanunvericiliyinin təkmilləşdirilməsi, uçotun düzgün aparılması, vergi öhdəliklərinin yerinə yetirilməsi və vergi risklərinin azaldılması barədə danışılıb. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel: (+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.