Xəbərlər

Yevlax KOBİM tərəfindən sahibkarlar üçün “Öz biznesinə başla” mövzusunda növbəti təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 25-də Yevlax KOBİM tərəfindən sahibkarlar və biznesə yeni başlamaq istəyənlər üçün “Öz biznesinə başla” mövzularında növbəti maarifləndirici təlim keçirilib. Təlimlərdə 5 nəfər sahibkar və biznesə yeni başlamaq istəyən şəxs iştirak edib. Yevlax KOBİM-in peşəkar eksperti tərəfindən təlimdə biznesin quruluşu, mühasibatlıq, vergi qanunvericiliyi, maliyyə idarəçiliyi, GZİT (SWOT) analiz, biznesin inkişafında marketinq, aylıq satış, istehsal və tədarük, gəlir və xərc planlarının əhəmiyyəti, biznesin hüquqi təşkilatlanması barədə məlumat verilib. Təlim zamanı biznes ideyaların reallaşdırılması, gəlir və xərclərin qeydiyyatı, hüquqi öhdəliklər barədə ətraflı məlumat verilib. Təlimlərin sonunda mövzular ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel: (+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.