Xəbərlər

Yevlax KOBİM tərəfindən “Sahibkarlar üçün vergi qanunvericiliyi” mövzusunda təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 26-da Yevlax KOBİM tərəfindən sahibkarlar və biznesə yeni başlamaq istəyənlər üçün “Sahibkarlar üçün vergi qanunvericiliyi” mövzusunda növbəti maarifləndirici təlim keçirilib. Təlimdə 6 nəfər sahibkar iştirak edib. Yevlax KOBİM-in peşəkar eksperti vergi rejimlərinin sahibkarlar və dövlət üçün əhəmiyyəti, əsas prinsipləri, hesablanması və ödənilməsi qaydaları barədə danışıb, ümumi və sadələşdirilmiş vergi rejimləri, sahibkarlıq subyektəri üçün rejimlər, onların vergi ödəyicisi kimi hüquq və öhdəlikləri, vergi rejimlərində tələb olunan vergi bəyannamələri və hesabatların hazırlanması və təqdim edilməsi prosedurları barədə geniş məlumat verib. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel:(+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.