Xəbərlər

Yevlax KOBİM tərəfindən “Sahibkarlıqda yumşaq bacarıqlar” mövzusunda növbəti təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 26-da Yevlax KOBİM tərəfindən gənc sahibkarlar və biznesə yeni başlamaq istəyənlər üçün “Sahibkarlıqda yumşaq bacarıqlar” mövzularında növbəti maarifləndirici təlim keçirilib. 6 nəfər sahibkar və biznesə yeni başlamaq istəyən şəxs iştirak edib. Yevlax KOBİM-in peşəkar eksperti tərəfindən KOB-lara emosional kontent və etibarlı münasibətlərin qurulması, hədəflərin və şəxsi strategiyanın müəyyən olunması, ünsiyyət qaydaları, müştəri və iş yerində münasibətlərin strateji hədəflərə əsasən qurulması barədə məlumat verilib. Təlimin sonunda mövzu ətrafında müzakirələr aparılıb və iştirakçıların sualları cavablandırılıb. Təlim, məsləhət və şəbəkələşmə xidmətlərimizdən yararlanmaq istəyən KOB-lar Yevlax KOB İnkişaf Mərkəzinə müraciət edə bilərlər. Tel:(+994) 55 922 56 17 Email: yevlakh@kobim.az Qeyd edək ki, Yevlax KOBİM tərəfindən göstərilən bütün xidmətlər ödənişsizdir.