Xəbərlər

Yevlax KOBİM tərəfindən “Sosial media ilə satış” mövzusunda təlim keçirilib

Yevlax KOB İnkişaf Mərkəzi (KOBİM) tərəfindən KOB subyektləri və biznesə başlamaq istəyənlər üçün maarifləndirici təlimlərin təşkili davam edir. Noyabrın 20-də Yevlax KOBİM tərəfindən Zərdab rayonunda fəaliyyət göstərən sahibkarlar və biznesə yeni başlamaq istəyənlər üçün “Sosial media ilə satış” mövzusunda maarifləndirici təlim keçirilib. Təlimdə 7nəfər sahibkar və biznesə başlamaq istəyən şəxs iştirak edib. Yevlax KOBİM-in peşəkar eksperti tərəfindən təlimdə KOB-lara sosial media anlayışı və satış alətləri, sosial media satış strategiyası barədə danışılıb. Təlim zamanı sosial media ilə satış texnikaları, satışın formaları və növlərinə dair ətraflı məlumat verilib. Təlimin sonunda mövzular ətrafında müzakirələr aparılıb və iştirakçıların sualları cavablandırılıb. Qeyd edək ki, Yevlax KOBİM tərəfindən göstərilən bütün xidmətlər ödənişsizdir.